TABRAT N DJAOUT I DDA Lmuluḍ Mɛemmeri

djaout.jpgInna aya send a teddem tleddunt n icenga n Tudert : « mmesli-d a temted,susem a temted ; mmesli-d,temmted ! »

“Ayen tuzzled d wayen tεetbed γef yidles-nneγ amaziγ,ar ass-a,yiwen nniden ur t-yewwid a t-yeg am Kecc ! “

Гas akken teddred am kecc am medden,ur tessimγured iman-ik γef wiyad,ur tessemyafed aγrum γef wedrum seg wakken ur tettihmiled tiwesmin γef tuyat maca timanit-ik d tin yufraren γef tiyad !

Cciεat,am akken i γ-tessakid,d tid i d-igellun tibuxin γef unyir ma yella teddid-asent γef uεeddis ;gellunt-d ayen n dir i wemdan deg wakken sluγuyent timedwa timzerfin.

A d-nini kan : «  ur tellid seg wid itetten s wallen,ur tellid seg wid yeddan i Tmaziγt γef tεeddist neγ ahat a k-tesmundel tsurditt yeflan » .

Assaγen-ik,di tudert-ik,garak d imsulta n Lezzayer,d wid nessen merra,yiwen ur yezmir a ten-yesseklelli,win yettun garaneγ,yemmekti-d asmi tebrid i Tiddukkla n Yimyura izzayriyen (…)

Tettγunfud akk ayen yellan d illed i titt n Leqdic-ik γef wennar ussnan,adelsan neγ asertan .Tennid-aγ γef tsertit : « m’ur d-teltim yides,a d-telti yidwen » .

Tellid d awaziw i tmussni d tefkid udem i tlelli n wemdan di tikti-s .

Tirrugza-k d waggus-ik smeγrent di tiddi-k γer medden,tamtilt-ik ur tt-nwala a d-tezzi,d leqrun γer zdat.

Ass i-deg tmedled di Taddart-ik,mguggin-n γer-k medden,εezzan-n Tawrirt i k-id-yerban,rran-k-id deg wulawen-nnsen mi d-bernen.

A teddred i lebda deg wulawen-nneγ ay ilemzi n Tesga ! Qqim di talwit ! ».

Tahar DJAOUT

15 /03/1989

Pas encore de commentaires.

Laisser un commentaire

Le Tallud 79200 |
momema |
Yves HUSSON - Conseiller gé... |
Unblog.fr | Créer un blog | Annuaire | Signaler un abus | Nougatine
| J'aime les chevaux
| une guerre sans merci