Massa Taselwayt n Unavaḍ Afidiral n Lalman,

gpk.jpg

ANAVAḌ AQVAYLI UΣḌIL
GOUVERNEMENT PROVISOIRE KABYLE
PROVISIONAL GOVERNMENT OF KABYLIA

Aɣlif n Teywalt, n Teɣdemt d Yizerfan n wemdan

Münich 09.12.2010
Massa Angela Merkel, Taselwayt n Unavaḍ Agdudan Afidiiral n Lalman.

Massa Taselwayt n Unavaḍ Afidiral n Lalman,

Aselway n tmurt n Lezzayer Mass abdelaziz Bouteflika akken i d-ssawḍen kra n yeɣmisen izzayriyen yerza-d d inebgi ɣer tmurt n Lalman, ass n 07 d 08 deg Ǧember 2010.

Tirza-agi tella-d ilmend n uselqi d umeslay deg temasl icudden ɣer tdamsa gar tmurt n Lalman tafidiralt d Lezzayer.

Dacu kan, nra ad kem-nenced ad tessukkeḍ tiṭ ɣef tlufa-a:

Ad d-nesmekti belli Mass Σebdelεaziz Butefliqa ur d-ibedd ara i tikelt tis-krad d Aslway n Izzayriyen armi yeεfes tamendawt ur s-yessurfen ara ad yeḥkem sennig n snat n lmandat.

Tukksa-ayi n sser ɣef tmendawt mačči d tikelt neɣ d snat segmi tekcem tmurt ɣer tallit n tugdut deg useggas n 1989. Nnan-d aseḥbes n tefranin deg useggas n 1992 s ufus n iserdasen yeḍra-d i wakken ad εassen ɣef tugdut seg seg at ičumar.

Snat n tmerwin ar deqqal, tugdut ur d-iban yixef-is deg tmurt n Lezzayer. Awah d aya kan ur d-ḍrint, maca timetti ǧǧan-tt i yiman-is sdat n at ičumar, wid i yesseqdac unabaḍ azzayri i wakken ad rren tili ɣef yimeɣnasen igdudanen d yiɣerfan yettidiren deg tmurt-a, i yessaramen tudert n wezref, n tlelli n wemdan i yiman-is neɣ tin n yemdanen yakk.

Asenfar n ‘‘Tagmat timettit‘‘ i d-yewwi Butefliqa deg useggas n 2005 yessemyager irebraben imsenselmen yakked udabu, war ma yessenger rrebrab di tmurt.

Segmi Izzayriyen i tt-xellṣen ɣlayet seg ṭṭraḍ i d-ḥettmen fell-asen, assa ẓran belli imenɣi n iseggasen 90 i d-yellan gar irebraben isenselmen d udabu ur d-yelli ara ɣef sebba n tisneslemt, maca ɣef iddra anwa ara yellin d aqerruy fell-as.

Ayen i d-ibanen iseseggasen-agi ineggura, d tadukli-nsen mgal Tamurt n Yiqvayliyen, tamurt n tegrawla, i yennan uhu i udabu adiktatur d rrebrab imsenslem.

Fad n Tmurt n Yeqbayliyen i tlelli tufrar-d am yitij deg tefsut n 2001 s tmesbaniyin n talwit ideg d-ffɣen imelyan n Yeqbayliyen, aladɣa deg tikli-nni ɣer Lezzayer tamannaɣt i d-yellan deg 14.06.2001. Maca Butefliqa yerra-d s tiɣrit d tmeḥqranit, yenɣa 127 d tarwiht yakk d igiman akken n imejraḥ, ideg ara tefeḍ nnig n 1200 iεibanen i lebda.

Seg „tefsut taverkant“, adavu azzayri, i yeɣɣunza seg zik weɣref aqvayli, yerra-d Tamurt n Yiqvayliyen gar wallen-is. Irebraben i d-iṣubben seg wedrar, wid i wumi yessuref udavu rzan-d ɣer Tmurt n Yiqvayliyen i wakken ad snesselmen, ad kksen tinekkit i Uqvayli, i wakken ad rren ilemẓiyen iqvayliyen d irevraven n uzekka, ayen iɣef ten-yemneε yedles-nsen ar tura.

Segmi i d-sseɣlin imsulta izzayriyen tugdi ɣef tuddar tiqvayliyin deg useggas n 2001, segmi Iqvayliyen sqedcen kra yellan d abrid ur yeffiɣen ara asaḍuf i wakken ad sḥebibren ɣef yedles-nsen, ur sen-d-yegri anager ad teklen ɣef yiman-nsen, ɣef aya i d-snulfan Amussu n Timanit i Tmurt n Yeqbayliyen, ara yessufɣen sya ar azekka ɣer Lezzayer Tafidiralt.

Imi adavu yerrra-d s tigugemt d usεuẓẓeg ɣef tiɣri n weɣref aqvayli, Anavad Aqvayli Uεḍil ilul-d deg yinig ass n 01.06.2010 di Lpari.

Imḍebbren-nneɣ, s yisem n weɣref aqvayli, fehmen belli tamurt n Lalman tafidiralt tuḥwaj sεaya yellan seddaw wakal azzayri, ẓran daɣen azal i terram ssehd azeddgan n uzekka ur nettfaka ara.

Dacu kann, Anavaḍ Aqvayli Uεḍil yessarem belli asalqi n wassaɣen gar Lalman d Lezzayer ad yili s ccerṭ n lemqadra n izerfan n wemdan akked wid n weɣref aqbayli.

Massa Merkel,

Tamurt n Yiqvayliyen teṭṭafar nezzeh amennuɣ-im ilmend n tegmat gar iɣerfan d tlelli.

Ula ɣer nekni daɣen, tagmat-agi iɣer nessaram yakk yewwi-d ad d-tili s twizi n tidet gar iɣerfan. Amedya n umennuɣ mgal asruɣu n tẓegwa, i idemmren aneɣlaf amenzu n tmurt n Israyil ad d-yini belli aḥareb ɣef tẓegwa yewwi-d ad yili d tamsalt n talsa irkelli, nekni yeεna-yaɣ nezzeh. Di tmurt n Yiqvayliyen, d iserdasen izzayriyen i yessaɣayen timess di tẓegwa, zeεma i wakken ad nnaɣen mgal rrebrab, maca d tisebbiwin kan acku d nutni i s-yettakken afus, yerna medden yakk ẓran aya.

Massa Merkel,

S wul zeddigen i nra ad nessiweḍ leḥmala n weɣref aqvayli i tsuddutin timagdayin n Tegduda Tafidiralt n Lalman akked weεjab-is i wayen yakk ixeddem weɣref alman deg yeḥricen n tussna d tamsa.

Nessaram assaɣen-nwen i d-tḥettem tdamsa ad ken-surfen i wakken amendid-nwen azzayri, ideg inawen-is unṣiben yekcef-iten-id yal ass uttεeddi-ines ɣef tlelliyin, ad t-terrem yettwali s timmad-is ayen ixeddem d lmenker, aladɣa deg Tmurt n Yeqbayliyen

Lyazid At Mraḥ,

Aneɣlaf n Unavaḍ Aqvayli Uεḍil

Asmel unṣiv n Unavaḍ Aqvayli Uɛḍil
http://www.anavad.org

Pas encore de commentaires.

Laisser un commentaire

Le Tallud 79200 |
momema |
Yves HUSSON - Conseiller gé... |
Unblog.fr | Créer un blog | Annuaire | Signaler un abus | Nougatine
| J'aime les chevaux
| une guerre sans merci